賈思樂自揭曾嬲爆盧海鵬難合作 直至一個人出現成功報仇雪恨

無綫經典《歡樂今宵》在1967年播放，該長壽節目有個皇牌環節，是由盧海鵬、林建明、譚炳文、賈思樂、戚美珍等主演的短劇《蝦仔爹哋》，在當年大受歡迎；還記得鵬哥在《蝦仔爹哋》中經常爆肚，搞到其他藝員忍笑忍到忘記台詞，令觀眾捧腹大笑。

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

賈思樂最近接受好友鄧英敏訪問，在網上節目《老友鬼鬼》上透露「蝦仔」一角，本由鄧英敏飾演，他說︰「有次有個樓盤環節，咁啱嗰日你請假去唔到，於是就叫咗我去，當時我哋《歡樂今宵》藝員個個都stand by，我話我唔識樓盤啲嘢，佢哋話唔使識，主要係鵬哥講，叫我去都係做反應。點知去到要我講幾錢一呎，我又講到唔夠流暢，畀鵬哥挑剔，搞到我好尷尬！但係觀眾又覺得幾好笑，覺得我真係傻豬，畀人蝦，高層覺得OK喎，不如做一個鵬哥蝦呢個男仔嘅趣劇，《蝦仔爹哋》就係咁樣開始。」

《林盧去追星》林建明向盧海鵬敬酒爆喊 只望身體健康繼續鬥嘴【下一頁】

原來賈思樂起初不喜歡與鵬哥合作，指自己是受害者，「佢成日搞我，搞到我好尷尬，仲要搞我啲頭髮，我好貪靚，我係天秤座，出鏡前要將頭髮梳好，啲衫又要熨得好整齊，我唔呃你，搞個頭至少要45分鐘！我望住塊鏡好滿意，就有信心出鏡，鵬哥最鍾意捉到我呢啲位...我一入到去（錄影廠）就好似打風咁，佢又搞我個頭，又整巢我件衫，我好嬲，睇番playback，覺得自己好醜樣，我好嬲，我又唔夠膽...」鄧英敏問他當時是否有跟鵬哥「講數」？賈思樂笑說：「其實我有啲驚佢！我又唔係好識同佢溝通，我惟有忍住，之後劇情加咗我外母林建明『大白鯊』，佢睇得出佢（鵬哥）成日恰呢個新人喎，佢要維持秩序，佢對付鵬哥，鵬哥又唔敢搞佢吖嘛！所以一有『大姐明』出現，我就開心到呢...有人幫我報仇雪恨！」

賈思樂稱早已預測88年澳洲車禍 因為一個女人幸好大步檻過【下一頁】

{{hket:inline-image name="33900790_1834037239951190_8707940832797261824_n.jpg"}}{{/hket:inline-image}}

賈思樂坦言十分怕鵬哥，合作了4年，才敢跟對方主動說話，鄧英敏笑說：「鵬哥唔容易相處，佢好有性格，同時心地好。」賈思樂表示：「之後我同佢講『鵬哥，我哋都合作咗咁多年，你唔好再搞我個頭，好唔好呀？』跟住佢話『睇吓到時點喇！』不過久唔久都會玩，但係次數唔多喇，佢知我唔鍾意，但又唔會收手。」《蝦仔爹哋》一眾演員雖然各散東西，至今仍會不時搞聚會。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】